Mexiko matxinatua

Mikel Ayllon

Ama iraultza

Izkiriatuko nituzke milaka eta bat poema iraultzaile

askatasunari oihu eginen nioke

esperantza eta burrukaren dorre irmearen puntatik

agurtuko nituzke betiko malko garratzez eraikiriko murrailak

noiz arte ibiliko gara larrosa petalo gorriz blaituriko ibilbideak idoro arte?

gala galduak, kontuz bala galduekin, zioskun iraultzak

eroriko dira zeldetako barrote eternalak

ez dago giltzarik gabeko aterik zioskun iraultzak

milaka eta bat gau irabazi arte

Egin ezazu iraultza

mundua aldatzea ez dut erdietsiko

saldu baitigute historiaren bukaera

bukatu omen dira iraultzak

Marxen teoriak hil direla esatera

ausartu dira profeta arkaikoak

baina ez dituzte Platonen esanak kontutan hartu

iraultzaren ideia hilezkor eta eternala delako

gorriz tindatu artean inguruak

munduak bederen ez nau ni aldatuko

baina ohar gaitezen laiek

ez dutela soilik lurrean lan egiteko balio

aitzurra, goldea eta bandera gorriak

danbolin urrun baten internazionalaren doinua

dakarkigunean aidean hegaka

egin ezazu iraultza.