L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Vladimir aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Vladimir. 6. alea (1998- apirila) —Hurrengo artikulua




 

 

azken guda dantzan

aizkorak elkartu zituztenen seme-alabak gara

atzoko eta gaurko borroka abestien artean

haiek hustutako sagardo botilak ganbaran bilatu

eta berriro kaleak sutan ikustera etorriak

 

beldurtu egiten ginen arratsak desagertzen zirenean

eta edoski behar genituen bularrak eramaten

zituztenean

eta negar egiten genuen

malko bakoitza iraun ahal izateko taupada bat balitz

bezala

ohe hutsen geografian errepideen senideak bihurtu

ginen

hemen gauak lau ertz dituela idazten zutenen bila

 

baina oraindik ez genuen ikasi

irailaren begietan krespoiak jartzen

gernika moskun entzun zitekeen abestia zen

eta monbar izeneko hotel baten izara gorrietan

idatzi zituzten guri handik portu batzuetara

itsasoak emandako aizkorak.

 



Literatur Aldizkarien Gordailua Susa argitaletxearen egitasmoa da.