L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Gotzone Sestorain

 

Edertasunaren aintzira orbaingabean

geldo, erdiletako ostondo urdinetan etzaniko

kristalezko hats izoztuei

zure espirituaren betsein sarkorrek,

maitasunaren eta perfekzioaren egarri,

zein forma miresgarriak

dizkiete egotzi, ukimen guriz!

 

Zein sentikortasun egarberaren hegoak

zeure eskuen mugikortasun ernea!

Haizearen bular emea barna

ezin konta ahala margo ebakor,

gisa beran

hain ezkutapen erakargarriaz

gorpuztuz.

 

Gorputz biziak, erditzeko garrasi

gorri, ezen, urduri...

zeure haunditasun estaliaren

sortze hilezkorrak.

 



Literatur Aldizkarien Gordailua Susa argitaletxearen egitasmoa da.