«Orixe» zanari

Osa'tar Eusebi, laterandarra

(Oñati'ko Laterandar gazteak

ateratzen duten EREIN barru-aldizkaritik artuta)

Euskaldun orok zu izan zaitugu

eusko-gogoaren kantari txapeldun.

Galde dagiot nire buruari

zure maillakorik izango ote degun.

Euskaldunaren gogo-barrena

ondotxo zenun ezagun,

ta oartu ziñan eusko-gogoak

Jainkoa duela lagun.

Zu olerkari goren gorena,

zu euskaldunon omena.

Zure olerkiak goxatzen digu

biotzaren muin-barrena.

Euskalerriko oianetako

txoriak ixil dira;

ikusi ditut zijoaztela

egaz Orixe'n obira.

Euskalerriko olerkariei

aita-goi ona zaie joan.

Aren omena ez da itzaliko

gure artean beingoan.

Ar zazu orain, gaindietatik,

zure ikasleon agarra,

zure eleak poztuko bai-du

gure bizitza laburra.

«Zeruan goien IRUTASUNA

Jaungoiko aundi ta maite».

Bere etxean behin betiko

zoriontsu izan zaite.