Jareipena

Juana Ibarbourou

euskaratzailea: Igotz

Gogoak goitu bear dau

Beren espetxeko nagi zea-ezin au;

Garbiagotu bear da, ta zutagotu,

Eta guda-oin aldian, bizkor ta zalu,

Bereko argiz zadorra uts-egin bage,

Aidez-aidezko gezia lez izan dedin.

Arotz-lan ontan saiatzen naz egunero

—Errementari, etzaitez nekatu beingoz—

Eta usoak dabiltza zeruan zear,

Guztiz atsegintsu, gozo ta aize utsezko,

Ta galtzairu-oskoletik jarein-arakak

Gantzuki dardarazia bai-dirudie.

Ordua eltzerakoan,

Igarotzeko ordu txaua,

Ezta lokirik izango, era itsua

Batelaren izamena.

Norbere egoz joateko alaitasuna,

Laban egite samurra, goratze lerden,

Argizko itxaso, ta buruz buru gerora

Lengo aingeru beragaz zara aurkituten.

Basatza ta odolean murgildu zan

Arima, ostera bere, norberatzea.

Eta, bear bada, jaiotz-jazmin gorria

Ibilgoaren amaitze goi-ixillean.