Aingeru ameslariak

Rafael Alberti

euskaratzailea: Muniategi'tar Sabin

                 I

Gogoratu zaitez ordu artaz

illunpeko errege baten aurka ieiki ziranean

logelatako begi ikusgaitzak.

Badakizute, badakizute. Utzi nazazute!

Nire luzeran irikitzen ba'dira elur-arrakalak,

ur-geldidun illobiak,

amets ugertuzko izar-lañoak,

giltzapetu betiko zuen betazalok.

Zer nai dezute?

Ikusi ezin diran begi aundiak lei bizian.

Ziri gorituak ormaetan barrentzen dira.

Begi-nini illak birabiraka,

maindiriak.

Erregea betulazko kirikiño bat da.

                 II

Baita,

baita logelatako entzumen ikusgaitzak

illunpeko errege baten aurka.

Badakizute, nire aoa zenbakien ta izki illen

izenezko usin bat dala.

Anotsak nire itzikan gabe aspertzen dirala

ta iñoiz esan ez nuenak aizea ezetsi, gorrotatzen duala.

Ezer entzun bearrik ez dezute.

Baño entzumenak bularpean aunditzen dira.

Eskaiolazkoak, otzak,

eztarriratzen dira,

odolaren aterpe geldikorretara,

ezurren odietara.

Errege bat izkuturik ez duan kirikiñoa da.