The bells (Ioaleak)

Edgar Allan Poe

euskaratzailea: Beiztegi'tar Ion

Entzun naarren tilin-ots,

                 Zidar-ots!

Ainbat alaitasunen zantzu dan didar zorrotz!

          Dardar dinki, dinki, dinki,

          Gauean dator bisotz!

          Izarrak goitik kinuki

          Ortzean dirdir zipirsti

          Leiar gardenezko poz;

          Igiz duin, duin, duin,

          Errunik iauzkeren uin,

Dindilketaren izari eresgarri dan perrots

          Danon ots, ots, ots, ots,

                Ots, ots, ots,

Tilinetatik datorran zidar-ots.

          Entzun eztai ezkil-ots,

                Urre-ots!

Atsegin ugarien aurresanaren aots

          Gau aize samurtsua

          Zorionak artua!

          Ereski urredunez

                Ta danak bat,

          Zabukan abots emez

Usapala, ta begiak larrinez

                Erabat!

          Oi, zaratatsu leotz,

Zein ozen edatzen dan, danean, ezkil-ots!

                Zein panpots!

                Ta sorots

          Da geroan! ta dinots

          Liluratzaz, aldapots

          Dala gorgoin darabilan

          Ezkil-ots, ots, ots,

          Urre-ots, ots, ots, ots,

                Ots, ots, ots

Dantzarazten igikeraz ezkil-ots!

          Entzun sudei arran-ots,

                Topin-ots!

Zelako latz-ikaren zurrunbilozko dunbots!

          Gauaren belarrian

          Bildurra garrasian!

          Itzentzat izuegi

          Orroa soilik dagi,

                Eresgaitz!

Suaren erruki eske zinkurin oskarragaz,

Eztabaida zoro baten su sumin ta gorragaz,

          Iauzka gora, gora gora,

          Aleginen eiagora—

          Iezar orain, ez sarri;

          Sapaitzat dala Ilargi.

          Sudei-ots, ots, ots!

          Gertari latzen abots,

                Ondikotz!

          Orda ta zapart ozen!

          Lauorriak egozten

          Ta aize magala eten!

          Ba-dakiz entzumenak,

                Zaloikeran

                Ta zartadan,

          Galzoriko goi-beerak;

          Ta dakiz entzuleak,

                Iauzkeratik

                Ta akarretik,

          Gaitzaren uts-beteak,

Bai goraka naiz beeraka ba'letorke arran-ots—

                Sudei-ots,

          Orda ots, ots, ots, ots,

                Ots, ots, ots,

Arranetako aldarri ta dunbots!

          Entzun draunaren il-ots

                Burdin-ots!

Ileta orrek dakarz ainbat oldozpen burlots!

          Gauaren isilean

          Otzikara latzean

Burdin doinuaren zemai murrintsu!

          Orren zintzur ugarrak

          Daragizan arramak

                Zotintsu.

          Ta notina —oi, notina—

          Etse daukena erpina,

                Bakartsu,

          Ara, joka, joka, joka,

          Eres itun baten ots,

          Arrokeriz ipurloka

          Berunduz giza biotz—

          Ez gizon ez emakume,

          Ez pizti ez gizaseme,

                Tartalo!

          Orrein iaunskila dabil

          Iraul bil, bil, bil,

                Bil

          Garaipen oiuen ots!

          Magal alaia potots!

          Daragiona dunbots!

          Baita dantza ta urubots;

          Igiz kide, kide, kide,

          Errunikarren iauzkide,

          Garaipen oiuen ots

                Burdin-ots:

          Igiz bat, bat, bat,

          Errunik eresa ainbat,

          Draun nagiaren aiots—

          Burdin-ots, ots, ots,

          Erostaka dan galots;

          Igis uin, uin, uin,

          Iaunskil motz, motz, motz,

          Errunik iauzkeren duin,

          Daragiok iraul-ots—

          Dunbal-ots, ots, ots,

          Draun nagiaren dunbost,

          Burdin-ots, ots, ots, ots,

                Ots, ots, ots,

Zinkurika ta erostan dan galots.