—Olerti—

Gaurik gogorrena

(Erkiaga'tar Bitorr'i Gomutagarritzat)

Aurraitz

Aberri-mina biotzan.

¡Azkatasun bidearen latza!

Bagilako gau eroan

Arrtxanda-mendi guztia sutan.

Ernai tontorr-tontorrean

«Itxasalde»ko gudari-saila.

Bilbo iluntan bekaldean itzarrik,

gudearen saminan.

Euzko gudari-oldarra opagai

Aberri-altarean.

Aurrean urr-ur etsaiak

iskil-ganeska, amurru betean.

Gau gogorraren saminan

ametsak urduri izarr-artean.

Txistu-oska berunbilak

bizitzen bila zorrotz ebizan.

¡Gaberdi negarrgarria!

Santzo, intziri, kea ta danbadak.

¡Ongo iskilu-zaratea!

Ganera yatorrkuzan gaizkinak.

Gogo-sendo naigabetzan,

agintariak gal, oge giñan.

Lau-bost lerkai, iskil bana,

bizitzea azkatasun-ordaintzat.

Gudako zelaia ikaraz.

Zaurituen erostak oinpean.

Izarratua lekukotzat.

Dana aberriarren emon berrzan.

Oin-oinetan estanda bat.

Lan mutil zauri gordin, ginartzan.

Gora-goraka iskiluak,

yagiteko indarrge, ni, odoltzan.

Iztarretik oinetara,

zortzi zauri, sakon, emoi gorri.

Baltzen atzetan baitura...?

Dei neutzan Begoina'ko Amari.

Gudari lagun zintzo bik

gaizkatu ninduen gan laguntzar.

Amatxuren oroi bizi

gezi zororotz, biotzan, oinartzan.

¡A zan odol isurtzea!

Amets larrien gau apurtua.

Izarr-argi motel-pean,

larre-ertzan eun ilotzen isila.

Guda-santsoen anotzak.

Mendiz bera zauri itxaropena.

Nekez beteko gauberan

iltamu-urrumak bakarrtasunan.

Aberri-mina biotzan.

Azkatasun bideak odoltan.

(Oin-belanak sendau ziran.

Zauri gordin, oindino, biotza...)

(1) Zauritu ninduen gaba, ikusi neban lez.