—Olerti—

Euzkeltzale baten azkena

(Atxurra'tar Zoil yaunari adiskidetasun-sendagarritzat)

Aurraitz

Euzkera erailten sei gizon

uriko zelai-ertzetan.

Euzkera erailten sei gizon

amurru bizi-bizitan.

Txapeloker bi ta apaiza

beste iru etoi laguntzat.

Txaideak zear

iges Euzkera

zauri gordinik mendirantz.

Il bearrean bildurr-ikaraz

Eleiza baten sartu zan;

barru-barruko

atoste baten

beste apaiz batek zain eban.

Txapeloker bi ta apaiza

beste iru etoi laguntzat,

Eleiz-aurreko

zelai gogorran

opagaia atzitu naian.

Goiz-argiaren

baretasunan

errdel-izkilu diz-diza.

Mendiak-bera

makil eskuan

gazte batzuen kemena.

Atso-agurak negarrez,

Izkuntza isil ezkutuan.

Gazte zintzo-aik

makil-urrtika

erailak uxan ebezan.

Gentza-egarriz

kaden mendiak;

tamalez yoian eguna.

Apaiz ona ta

zazpi mutilak

baitegian il ebezan.

Edoi gorrizko arratsan

odolez yoian ibaia;

Izkuntza artu-ta

olerkari bat

basoartera sartu zan.

Euzkera erailten sei gizon

uriko zelai-ertzetan.

Euzkera erailten sei gizon

eskuak odol gorritan.