—Olerti—

Kristo berri

Etxaniz'tar Nemesi

Gaur igo zera lenengo aldiz aldarera, Apaiz berri:

zuri begira zoratzen zeuden agintari eta erri,

begi-biotzak malkolausotan; mingañak berriz, aterri.

Lege berriaz lotua zendun zure biotz eta gerri.

Gotzai Jaunaren itzak sorgindu zitun zure ezpañak,

nai dezunean zure esanera urratzeko eliz gañak:

zeruetatik zai zenituan Aingeru-talde bikañak,

zure eskuetan noiz eskeñiko guztion oben-ordañak.

Makurtu zera, itzegin dezu, Kristotu zera mirariz,

«Au da benetan nere Gorputza» esanaz Jesusen oroiz:

Aingeru danak inguru zeuden zure almenen inbiriz:

zure eskuetan Jainkoa bera sortu dezu sorginkeriz.

Aldare ederra urre-argitan udaberritu da lorez:

intzentsuaren lurrun gozoak usaitu gaituzte gañez:

Meza-erdian txilin-soñura biotza bete da amesez.

Eskoriazan eliz-barrua zerutu da goi-arnasez.

Zeru ta lurren Egille Jauna jaso dezu eskuetan,

Ogi ta Ardoa Jesusen Gorputz ta Odol biurtuz bertan.

Oben-gaitz danen sendabidea datorkigu zure itzetan.

Kristo ber-bera berritu zaigu, gaurko Meza-berri ontan.