—Olerti—

Eguzkiak mun

Zaitegi'k

(Non bizi naizen eta zertan diardudan

galdetu didan adiskideari, maitez)

          I

Baratzaren erdian

dizut basetxea:

esi aurretik doa

auzoko bidea:

oinak itzalpean

du etxe-ostea,

bertan bizi naiz pozik

barnean pakea.

          II

Nere tegiko ormetan

eusko-lurrak ditut,

aberria gogoan,

erbestekoa ut:

egun sargorietan

sagardoa zurrut

osasunez sendorik

irrintzi dagizut.

          III

Goizean iratzarri

eta leio zear

eguzki izpiz batera

txoriak deadar:

txistuko entzun-ala,

irriparrez kar-kar,

gogora baidatorkit

euskal-egunabar.

          IV

Goiznabar berriaren

ilerki au onduz,

orribiko eginda

birbizturik naiz suz.

Garerdiko gizona

ari naiz minduruz

itxaso zabalean

ildoak urratuz.

          V

Irakurri-orduko

itz-neurtuok, lagun,

zoli entzungo duzu

baserriko oiartzun:

Aberri osoaren,

lurberriak lurrun

—yario, eguzkiak

egingo dizu mun.

Guatemala'tik Irailaren 24'garrenean.