—Olerti—

Euskera

Astigarraga'tar Joxe Andoni

Ank. O.F.M. (Sorginpikoeta)

Ikusi mendi gallurrak

estalirikan elurrak

ederrak eta garbiak

estalki txuriz jantziak.

Onela zeuden atzo ta,

orain dana beltz utzita

beraka doaz beraka

ur biurturik laisterka.

Muduri arkaitz zuriak

illuntasunez betiak...

len zugaitzak beso-txuri

orain beltz-eze itxuli...

lilluragarri nuana

ona nun biur illuna.

Elur zuriak urturik

orain ezer ez ederrak.

Eta elurrak beraka

ur biurturik laisterka.

Untzak motel t'aultasunez

eta baztarrak lokatzez...

aize zakarra txistuka,

otsoa berriz orruka...

leiotik begiratzian

ezer ez dakust mendian.

Zuritasuna galduta

dana goibel biurtu da.

Eta elurrak beraka

ur biurturik laisterka.

T'ikusi gure EUSKERA

nola datorren urtzera...

erritik igesi doa

mendian naiez txokoa,

mendian ere ukatu...

ez jakin nora zuzendu...

«Intziriz eta tamalez

EUSKERA gaurko egunez,

beraka doa beraka

malko garratzez negarka».