L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III. urtea. 1952 gko
Azila-Gabonila. 11-12 garren zenbakiak) —Hurrengo artikulua




 

 

—Olerti—

 

Bidea galduta

 

Zaitegi'k

 

Udaberri argitan amets axkurez blei

sumatu dut gogoa: eguzkiak dirdai

ozkarbi zabalean; barne-txoria'k dei

mendiruntz yoateko sortu nairik aznai.

 

Baso zarbatsu zear aldapak gaingora

nere oin beldurtiak zuzen ditut ilun:

ni nere eskuko izaki, nere naiak nora,

ara noa bipilki zorion-belar-zun.

 

Iluna kozkortuxe galdu dut bidea,

ta galbear gorrian nagozu biotzilik:

erreka zabal baten urren ugaldea...

ez dakust zubi, ibi edo txaluparik.

 

Ibai andi egiak gora noa zuzen,

biotz-gozagarri dut ur bizien otsa:

goruntz yo dun norbaiten aztarnak arkitzen

ditut or-an-emenka, pozetan biotza.

 

Nik bezela bidea galdu zun bidazti

—aztarnak ote diran oar dut samiñez:

basoan bakarrik naiz, ozkarbiak ezti dario,

izar baitago, nitzaz oarkabez.

 

1952 gko. Gabonilaren 22' garrenean.

 



Literatur Aldizkarien Gordailua Susa argitaletxearen egitasmoa da.