—Olerti—

Betiraunaren oiartzuna

Aurraitz

Arratsaren goi ixilletaz zabiltzan durundi biguna!

Zure yarrai ixar-artean galdu oi zait barruko ituna:

Soiñu baten gozoak arintzen dit gogoko aiuma.

Dei batek diñost ozen, enazela beerako egiña.

Izar-bide sakonetaz ixillaren gentza zamari,

Egarri bat asetu nairik goietan nabil igeri.

(Ozkarbi dizdirak izar-artetik betirauna dari).

Yatzikeran, soiñaren astuna amets gardenen lokarri.

Barruko olerkaria urduri ibilli oi zait arratsetan.

Egoak naasturik asauko zelai ulerteziñetan.

Amaibako zidorretaz maratu-ta urrun zabaletan,

Bestaldeko loren usaiña dartut zorion-munetan.

Atzaldugaitz zaizkidan pozen iturburu eskutua!

Zure ur-gozo muxtatzeko bizkorregi dabil mundua.

Gai-esiak autsirik basoen ixillean bildua.

Maiz gotzatzen didate izarratuak barru samindua.

Gaiaren bide zabaletaz mingots bat beti elburu.

Gogoa ezin lurrean artetu, ametsez mukuru.

Egunaren otsak aldekeran barne-entzumena aiduru

Arratsen ereskiak iruten, asmu garbiak goru.