—Itz Neurtuz—

Gabiri'ko baratza

Ilaunbe

Ludi-barruti, negargarri ziñez,

orixka dager eriotz-miñez;

nazka bai ditu era ez-berdiñez

bare likitsak oben-zikiñez.

So zabalera, billalde guzian

(gorriak jo, zomorrok ditu jan)

loretxoak ez-bear zoritxarrez

orrik buruzbe, lorak zimurrez...

               * * *

Bat-batean, ordea, indar bereziz

apain dakusagu margo orlegiz;

ta ao zuritik legun, bigunkiro

usai onezko ats mee dario.

Udaste degu gogo-baratzetan,

lur eze, emakor lora-zañetan;

eguzki epel ortzi zabalean

t'euri naroa garai berean.

Ta... gure baratz-loreak bai eder!

Zarrak berritu, gazteak lertzer...

Jainko-iguzki-muñera zillar bitxiz,

lilluratuz oro beren diz-diz.

Oraiño zimel genun lora gaxo,

mardulik dakust geroxeago...

Nork azierazo ain bikainkiro?

Nork eman lur eze, azi-giro?

Josu zaigu lili oien baratzai;

Berak damaie indartzeko doai;

alda goi-deiaz toki berezira

emen daukagun lorategira.

Gogo-erleak geroztik usaira,

loretxoetara jaki-billa;

zeru-intzez jantzitako kulkulun

lorak eztigai goxo bai zizun.

               * * *

Ara arantza tarteko lora gaxo

Josu baratzaiak nola jaso

usai onezko lora izateraño...

Alakoak bitez zeruraño.