—Itz-Neurtuz—

Plazentziko «Pernando» dala-ta

Iñurrieta'tar Engratzi

Ezta-baida bat sortua zaigu

«Pernando Plazentzitarrakin,

alde batetik dala «Zeleta»

eta bestetik San Martin;

iritzi eske etorri zaizkit

eta nik arazo onekin

biotza mindu besterik etzait

ekiten asarreakin.

Biak ditut nik lagun kutunak,

biak zaizkit txit atsegin,

tamala da ba orla ibiltzea

elkarri eman naiaz min.

Lan ardurazko geiago bada

etxe barru eta atarin,

eusko anaiak, konpon gaitezen

ortarako bagera duin.

Nor geiagoka ibiltzea,

geienetan kaltegarri

esaten zaizke sarri askotan

itz gogortxuak elkarri;

lendabiziko asmuak aaztu,

gauza berriak ezarri,

bide ortatik gauza onik ez

ta izkuntza maitea elkarri.

Nik baño geiago dakiten

Jaunak badituzute agian

eta nere iritzi onekin

nai badezu jarrai lanean

gaizkirik bein be ez

ongi esanaz danian,

erakutsi au eman dezagun

txit borondate onian.

Entzun bada oraiñ nere azkena:

ez naiz ni maixura irizten,

gutxi ikasi gaztetan eta

orain noa aguratzen:

lanerako gai zeraten oro

ez bazerate maitatzen,

erdalkeria jungo zaigula

aurrera beti geitutzen.