—Itz-Neurtuz—

Illunabarrean

Muxika-tar Luis s.s.s.

Ikus-min joerak eragiñik,

          lelo albora;

olermen garrak erneaturik

          gogaiak gogora,

gar-gar bixi-bixiro datorzkit

          aldi batera

Illunabar-egoa pir-pirka,

          ba-du mendiak

amets urdiñezko gau paketsu.

          Barne-txoriak

«olerkari esna, eres eragin»

          eztiro dasait.

Ixilkor abots au entzuki,

          muiñak ditut blai;

irudimen-aria neurketan

          asi ere bai.

Bañan..., mendia begi zorrotzak

          eziñik nabai.

Ixil!... egazti-uju ta illun!...

          guzik aldian

bakardade-kutsu darite

          goiko mendian...

Ta..., biotzak xoilkiro otoitz ittun

          bi, bat-batian.

Ezkil jostariaren azken

          dangada entzun

din... dan... dun... ixil... gentzaro! Barnean

          maite-oyartzun...

Ta gero goiean, gau sabelian,

          mendia illun...!