—Itz-Neurtuz—

Orbangabeko Sorkunde-eguna

Agirrezabal'dar Andoni

Agur Maria Sortzez Garbia,

Jaungoikoa'ren Ama maitia.

Guztiz garbiko maitasunaren

Iturri bizi ta oñarria.

Gure Amatzat artzen zaitugu;

Orregaitikan ospatzen dugu

Orbangabeko Sorkunde-Eguna,

Besta berezi egiten dugu.

Zure baitan garbitasuna,

Ama-maitasun bigun-biguna

Daude betikotz ta Zure ondoan

Gure arimaren baketasuna.

Zuregan daude eztitasuna,

Ur biziaren gardentasuna.

Zugandik, berriz, aldendu ezkero,

Aurkitzen dugu samintasuna.

Berdingabeko liraintasuna,

Orbangabeko edertasuna;

Arpegi eder orri begira

Aurkitzen dugu donetasuna.

Amaren Egun oroigarria

Ospatzen dute ama guziak.

Egun ontantxe, biotz-biotzez,

Dagie besta unkigarria.

Ama-maitasun-irudi ederra,

Izan dakigun egoki indarra,

Ba-dugu zeri begira egon;

Ama guzien ispillu ederra.

Ara zein alai dan umezurtza

Zurekin dagon bakoitzean,

Txukatzen ditu malko guziak;

Poz-pozik dago Zure aldean.

Kezka larri bat arindu naiaz,

Dijoa iradu Ama'rengana;

Bera bakarrik bere zai dago

Kezka guziak uxatu naiaz.

Agur Maria, graziz betea,

Pekatarien itxaropena,

Naigabetuen alaitasuna

Zu zera beti, Ama maitea.

Inpernu-suge iguingarria

Zapaldu zenun kemen aundiaz.

Eta ordudanik beti Zu zera

Oben-aurkako indar aundia.

Gaurko munduan kristau geranok,

Eba'ren seme-alaba danok,

Zure laguntza ta errukitasun

Oien premian gaude gaur danok.

Argatik ere, gure indarra,

Zure laguntza, or dugu, Ama,

Gure bearrik aundi-aundiena

Ta errukitasun orren bearra.

Zurekin ere elkarturikan.

Griña txar oiek bazterturikan,

Kristau bezela biziko gera,

Naiz baserrian, baita karrikan.

Adi maiteki gure arrenak,

Gaizka-gaitzazu, Ama bezela,

Pekaturako bide xarretan

Iñolaz ere ez erortzea.

Sendo-itzazu, Ama maitea,

Gure arteko kristau-fedea,

Goimaitasuna ta itxaropena,

Ta bake osoan biziko gera.

Zure altzoan ar-itzazu, ba,

Gure arimak azken orduan.

Izan gaitezen eriotz-orduan

Zeruan sartzeko danok deituak.

Zurekin daude gure gogoak,

Kristau guzien Ama errukiorra.

Mundu onetan eta Zeruan

Egon gaitezen Zure altzoan.

Mundu guziko kristau guztiak

Bein eta berriz izan dedilla

Bedeinkatua ta goratua,

Andre Maria Sortzez Garbia.

Ain zoragarri ikusten zaitu

Kristau-Erriak; nor zeran

Zu Ederki daki, Ama maitia,

Ta Zure ondoan beti duzu.

Agur Maria Sortzez Garbia,

Beti kantari kristau-erriak

Agur kartsu bat duzu, Maria.

Egiten dizun otoitz beroan

Bizkitartean bijoazkizu,

Gure barnetik sortzen zaizkigun

Agurrik kartsu ta beroenak.

Zurekin emen beti gaituzu.