—Itz Neurtuz—

Gogoetak

Ixilki

Orlegi dagoz

mendi-gain oyan eta ibarrak

Beterik datoz

beti berantz doazen ibaiak

Egazka dabiltz

txoriño txiki eta aundiak

Jostaka zoli

jolas gaietan dira umiak

Azal ederra

ikusten dute nire begiak

Samin negarra

sortzen dite azpiko egiak

Andere sotil

mutil lerden ta neska alaiak

Oro dirudi

beste ludi bateko irudiak

Gogo barruan

zertxobait etendu zait agian

Gezur larruan

egi garratza sortu danian

Gogoz itunik

buruan espe diran anaiak

Oroi egiñik

malkoz ezotu zaizkit niniak

Aztu eziñik

Aberri gaxo onen zoriak

Ixil ixilik

entzuten bere oiu larriak

Ikus geldirik

ikusten berak ditun zauriak

ama izanik

ziñopa nola ditun semiak.