Lauaxeta paredoian

Ibon Sarasola

Unibertsuan ehortzirik

arrotz zeure etxean

ate itxiren eta zoko ahulki argituren

ordu ezagunean.

ME HACEN EL FAVOR SEÑORES? SON 182.

ke airean zintzilikatuaren

                              eta errege destronatuaren

garaia da

Drugestorearen esteetako zaldi ikaragarrietan.

Bost edalontzi husturen artean Me han dicho que escribes en vasco

qué difícil, no? Gasteiztarra, Estibaliz

etorri behar ez lukeen trenaren txistua bezala.

Udaberri honetan ez dituzu aurpegiak ikusten

soilik behera-behar eragotzia lege orotatik at

POR FAVOR SEÑORES, QUE VAMOS A CERRAR

soilik hautsontzia pospolo erre eta

                             zigarro-hondarrez gainezka

beste egun bat beste hainbat bezalakoa.

Pues nos lo pasamos ideal. Zu.

Zu, arroztasunaren muga tristeenetan

maitalearen ezpain urrunetan

                                   gudari beti bentzutua

POR FAVOR SEÑORES, BUENAS NOCHES

gelditu zaitez orain nirekin

BUENAS NOCHES. BUENAS NOCHES, SI, BUENAS NOCHES

Oh, aquí siempre está lloviendo

AGUR, BUENAS NOCHES.

Donostia, Euskal Herria

gu eta gure eskuizkribuaren paredoiak.

Zure bihotza da paredoirik desolatuena.

(1975. Ongaretti-ren

zenbait material erabiliz)