L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Garziarena aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Garziarena-2 (1992-abendua) —Hurrengo artikulua




 

 

Hiria III

 

Bingen Garziarena

 

Azufreak deabrua bezala, pixak —urearen usain sarkorrak—, hirietako gune marjinatu eta arriskutsuen hurbiltasuna adierazten du. Pariseko Barbes-Rochechounat-en jaitsi nintzen, metro eta trenaren geltoki altxatuan. Segituan, kiratsa; laster, eskilaretan bertan, moskor alkolizatuen talde ttiki bat; geroxeago, kalearekin parez pareko solairuan, beste bi talde lurrean erdi etzanda eta fumatzen, marihuana edo; iskina batean, bikote bat trafikoa egiten. Geltokiaren batimendua —hiri hain mignon honetan— erabat zarpaildu eta hondatua; eta hor dihoa, sarrerako hiru-burnikoaren gainetik jauzi eginez, ordaindu nahi izan ez duen gazte beltz bat; eta hor datoz hiru argeliar langile beren makutuekin; eta hor azaltzen zait, nire lerro lerroan, eskua patrikan gordea daraman ionki hemezortzi bat urtekoa.

 



Literatur Aldizkarien Gordailua Susa argitaletxearen egitasmoa da.