Azkatasun Egarria

Balendiñe

Tximilit polit baten atzetik

igaro det goiz guzia

artuten zuan lora batetik

bestera eramaten zuan azia.

Baratzan zeuden lora denak

ostoak zitusten zabaltzen

arrosa zuri-gorri ederrenak

banaka zitun laztantzen.

Jaio da eguzki epelaz

baratza guzia du berea

lorakin egitendu jolas

Zer zoriona bere izatea!

Lora guziak dute gurtutzen

ez du iñun berak etxerik

Kabirik ez du esagutzen

AZKATASUNA du bakarrik

A ¡Zuk dezuna bagenduke!

Tximilit polit zuri oria!

gure bizia da guztiz neke

lotua degu gure aberria.

Noiz ikusiko ote zaitut

nere erri maite txukuna?

Noiz entzungo ote ditut

eleiz nagusiko kanpai tuntuna?

Noiz ikusiko ote zaitut

nere Kantabriko itxasoa?

Noiz entzungo ote ditut

udaberriko txori abesti goxoa?

Noiz ikusiko mendi zelai

baserri zuri garbiak?

Noiz entzun tanbolin alai

ta ikusi ondartz ta kaiak?

Zu bezela azke bagiña!

Tximilit polit zuri oria!

Baratza degu Jaunak egiña

azkatasunik ez degu ordia.

Abere, txori, lora... denak

azkatasunaz dira bizitzen

Lege menpian bizi geranak

bakarrik, lotuak gera arkitzen.

Caracas, 1950.