Erlas-Txoriyak

Larramendi'tar Iñaki

Egun batian nengualarik

Etxeko aldamiyuan

Bi erlas-txori polit-polit

Jarri zaizkidan albuan

Bizi lekua eskatxen zuten

Euren izkuntza mutuan

Nere baimena agertu niyen

Ulertutzeko moduan

Beren kabiya egiñ zezaten

Biyok nai zuten lekuan.

Nere baimena bazeukatela

Igarri ziyotenian

Leku polita autatu zuten

Goiko soliba batian

Iltze aundi bat sartua zegon

Ez ortarako ustian

Erlas-txoriak kompondu ziran

Biyok elkarren artian

Kabiya egiten jarraitutzeko

Iltziaren babesian.

Egun sentian asi ziraden

Beren kabiya egiten

Lur ezea ta behar legorra

Mokuetan zekarkiten

Lendabizi bat gero bestia

Biyak ipintzen zituzten

Zein lendabizi ta zein bigarren

Etzan iñori galdetzen

Ongi ikasiyak etorri ziran

Maisu bearrik etzuten.

Amar egunez bukatu zuten

Asitako lantegiya

Belar ta lurraz egiñagatik

Gelditu zan egokiya

Umetxuantzat iduri zuen

Zakartxo eta bustiya

Bañan guraso maitagarriyak

Ondo zekiten gustiya

Barren aldia jarri ziyoten

Egasti lumaz jantziya.

Etxe berriyan zeramakiten

Illabete eskasian

Bost ume txiki agertu ziran

Kabitxuaren ertzian

Ao zabalik gora begira

Beti zerbaiten eskian

Aita ta ama jana garrayo

Egun bat eta bestian

Zenbait jorrada egiñ zituzten

Bostak azi bitartian.

Ume txikiyak aunditu ziran

Luma zeukaten ugari

Bizkarra urin distiratua

Aurre alde dana txuri

Aita ta ama pozez beterik

Burni ariyan kantari

Neroni ere alaitzen nintzan

Begiratzian ayeri

Alnun gustiya agiñ niyoten

guraso ta umiari.

Egun batian egatuziran

Jayo ziraen kabitik

Alai zabiltzan etxe onduan

Bat bestiaren ondotik

Geroago ta urritiyago

Utzi zuten sorlekutik

Azkenerako nonguak ziran

Juan zitzayen burutik

Ez esker onik ta ez adiyo

Alde egin zuten erritik.

Txori anekin gertatu zana

Gerta ez dedin gurekin

Entzun zazute buru argiyaz

Eta biotz onarekiñ

Mesede asko artu ditugu

Zembatsu diran nork jakiñ

Jaungoikua-gandik gurasoetatik

Lagun urkoatik berdiñ

Mesede oyek ordaindutzeko

Egiñ dezagun alegiñ.