Noiz Othe?

Iratzeder

Noz othe, otez-ote, noiz joanen gare othe

                Gainez-gain otez-ote?

Biak su, biak odol, noiz joanen gare othe,

Hegoak joan ostoak bil-ta-bildu arte?

Haiz-hego, haitz-osto... Zato, Matai, zato:

Goazen arrai, gazen anai, goazen ostoz osto

Haiz-hego, haitz-osto... Goazen larrez goiti

Ostoz-osto goazen eta... dugun Haitza bezti.

Noiz othe, otez-ote, noiz joaten gare othe,

                Gainez-gain, otez-ote?

Biak su, biak odol, noiz joanen gare, othe

Hegoak joan ostoez Haitza bezti arte?

Haiz-hego, haitz-osto... Ez gaiten hain zoro:

Nola eta, nork bil othe haitz-ostoak oro?

Haiz-hego, haitz-osto... Goazen lanez goiti

Lano-lano joanez dugun... Lurra Jainkoz busti.

Noiz othe, otez-ote, noiz joanen gare othe

                Gainez-gain, otez-ote?

Biak su, biak hegal, noiz joanen gare othe

Lanoez goitiko Jaun bartarat'arte?

Ez du soinurik, ez du jauzirik

                Nihor pitz-arazi

Ez du elherik, ez du kanturik

                Haitzik lorarazi.

Egin intzire, egin irrintzin

                Haitza dadin bizi.

Egin lan, egin oihu, egin othoitz gurekin

                Lurra dadin Jainkoz busti

Egin dei, egin indar, egin authen gurekin

                Haitza dadin lorez bezti.

                Eta orai, eta gero eta bethi

                Sor diten sor haitz-ostoak

                Eta orai eta gero eta bethi

                Haz ditzan haz haitz-erthoak

                Negu-gabeko, nausi-gabeko, neurri-gabeko

                Amodioaren Amodioak.