—GERNIKA'rako—

Nere Aitortza eta Asmuak

Larramendi'tar Iñaki

Pazko denbora etorri zaigu

Beste urtetan bezela,

Ama-Eliza deika dautugu

Alderatu gaitezela.

Oju garratzaz esaten digu

Beste bizitza egiña degu        

Etzan gauz onik bestela

Eliz-alkitan egondua naiz

Oben guztiyak oroitzen,

Egíñ ondoren sayatu nitzan

Biotzébarrendik damutzen.

Zeruko Aita eta Amari

Laguntza diyet eskatzen,

Lagundu bada nere obenak        

Bear bezela aitortzen.

Apaiz prestu bat aldian zegon

Aitor-leku barrenian,

Lotsaz beterik aurkeztu nitzan

Neren epaillean aurrian,

Pekatu danak aitortu ditut

Garbi, apaltasunian,

Guzti-guztiyak barkatu dizkit

Juangoikuan izenian.

Jauna, artzian osatu ditut

Eliza'ren aginduak,

Barren-barrendik poza datorkit

Oben danak barkatuak,

Geroko ere egiñak ditut

Oso antzeko asmuak

Lenago ere egiñ nituan

Ondotik ziran kontuak.

Farrez daudela ikusten ditut

Neri entzuten nautenak,

Arritu ditu eziñ geyago

Nik azkenean esanak.

Gure bizitzak ageri dira

Eztet esaten danenak,

Bañan badakit zabiltzatela        

Ni bezelatsu geyenak.

Bizi denbora baduakigu

Askori utskeriyetan

Betikotasun neurri-gabia

Eztegu artzen ezertan.

Entzu gabeak gertatzen gera

Eginkizun geyenetan,        

Aurreko utsak bete ditzagun:

Ondorengo egunetan.

Pekatariyak izanagatik

Ez gaitezen ikaratu,

Goiko Artzayan ardiyak gera

Eta danak maite ditu.

Ardi galduak bagera ere

Ziñez bazaigu damutu,

Bizkar-gañetan artu ondoren

Pozik eramango gaitu.