L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Gernika aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Gernika. 16. zkia (1951-uztaila/iraila) —Hurrengo artikulua




 

 

Neskutsak

 

Mirande'tar Jon

 

Neskutsak maitè zaituztet

Amabost urteko neskuts

Gazi-gezak, betidanik.

 

Zuen begi-aintziretan

Ezinbestez gain-beteak        

Ondatzen naiz, itotzen naiz!

 

Neskutsak, zuek zerate

Ezti-esne gozoenak

Ene gosete aundian

 

       .....................

       .....................

 

Ba'zabiltzan

Aizpa gazte bi dantzari

(zein erritan zan aztu zait...)

 

Beren beso luze-luzeak

Neri abesten zidaten

Segu-olerki samin bat.

 

Ur-ertzean biak zeuden

Alkarri muxuka, maitez

Bular zuriak ikara,

 

Iztar guriak igesi.

Sortu orduko urtutzen

Zitzaizkitan oldorpenak

 

An, Palmadoi murker artan,

Gogoan nerabilena

Ezin edestu diteke.

 

An, Palmadoi orlegian

Erori ziran neskatxak

Elkarren besoetara...

 

       .....................

       .....................

 

Non zara ori? Zer egun zan?

Ala oro gau-amets bat

Izan ote da bakarrik?

 

Errimiñez ezin-miñez,        

Erdiratzen zait biotza

Egunetik egunera

Gau luzetik gau luzera.

 

Paris'en, 1950

 



Literatur Aldizkarien Gordailua Susa argitaletxearen egitasmoa da.