L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Gernika aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

<gern2400>— Gernika. 24. zkia (1953-uztaila/iraila) —Hurrengo artikulua




 

 

Lili bat

 

Mirande 'tar Jon'ek

 

Loretan dago aspaldi huntan

gure begien ederr dalarik,

gure bihotzen gorotzak baitu

ongarriztatu et'ernarazi.

  Ederr da... Haren hatsak, ordea,

zithala badu, herio-hasi,

ilhuntzen ditu gogo argiak,

ilhauntzen ditu argiak oro.

  Hilherri-lili horren zithalak,

hezurr zaharren hautsak hazirik,

erhanik ditu aiten leinuak

eta zainhiltzen gaitu semeok...

  Lili haur ene landetan ere

aspaldi huntan ezin hila dut,

nahiz Ipharrak astintzen duen,

nahiz kiskailtzen duen Hegokiak...

  Ai! goragotik ethorri — haizeek

ailezate io ene landetan

et'eiharraraz "itxaropena"

izena duen zithal-lili haur!

 



Literatur Aldizkarien Gordailua Susa argitaletxearen egitasmoa da.