Txiki Idoate

Ez zaitez ikara

hau nere burua da

eta bota behar dut

Ez zaidazu esan ederki ezagutzen ninduzula!

Ez ezazu negarrik egin nere ilobi ondoan!

Pentsa ezazu ezin nintzela bizi!

Agian zerbait galdetuko dizu jendeak!

ixil zaitez! ixil zaitez!

Ez zaitez ikara

hau nere burua da

eta bota behar dut

Ez hadi nere hiletara joan!

Pentsa ezak ez nuela hiletarik nahi!

Ez ezak galdetu zergaitik!

Erantzuna nerekin zetorrek

Erantzuna nerekin

                          zihoatik

Ez zaitez ikara

hau nere burua da

eta bota behar dut

Ekin ta ekin

nere laguna zinela adierazten zenuen

Orain gehiago

Nere heriotzaren bila

ibiliko zara gezurti

Arrazoiak!!

Gezurraren arbolatik bazkatuko zara...

Ez zaitez ikara...

Nauzu aukera

Sekulan baino famatuago izanen zara!

Gehien izorratzen

kezkatzen, nazkatzen

nauena

zu ez entzutea

ez ikustea

zu ez zaplaztatzea aipatuko nauzunean

Eta zaitez ikara...

Lo egi zu lasai, trankil, eztiki

Paseia zaitez alai, jator, pozik

Jan, gosal, bazkal, afal ezazu ase arte!

Faborez!

Ezkon zaitezte! Senidea bataia ezazue!

Jaungoikoa hart dezaten!

Ez zaitez ikara

hau nere burua da

eta bota behar dut

1985'eko Apirilan