Gezurra balitz...

Txiki Idoate

Trenaren ikara gertatu zen

eraman zintuen gugandik

Ohizko arriskua zuri suertatu zitzaizun

Ohituraren abiadurak kendu zigun laguna

                                                  adiskidea

                                                  edertasuna

ezin naiteke dohatsu izan

zu aipatu gabe

Eguneroko trenari gorroto diot

umetatik

gorroto diot bere metalezko haragiari

gorroto gezurrezko ezpainei ere

gorroto diet

bere hotz eta beroari

bai eta bere ur zikinari ere

Gorrotatzen dut

lurra odola blai utzi zuen trena

Gaur pasatzerakoan

aldapa gora

oroitu zaitut

oihartzunik gabeko oihua bezala

nonbait

zure irudia agertu zait

bi aldetara begiratu dut

inor ez

ez trena, ez pertsonarik ere

baina zure malkoen keak

haizetik zebilen bitartean

bakardadea eta oihuaren ixiltasuna

oroitarazi dizkit

eta hori

ez diot

bakartuko.

1985-ko Martxoa