Nafarroa gaindi

Patxi Perurena

Nafarroan da Bardena

Lurralde celai gardena.

Galaperrac dostaca dabiltza

Gari tartean barrena.

Urbasa gaiñeco bazca,

Hidoi hecean ur asca:

Basahateaz uretan dabiltza

Butzuan plisti ta plasta!

Ultzamaldeco ibarra,

Mendi muiñoan lizarra:

Oquil berdeac zulatu dio

Goieneco adar iharra.

Larraunen goiti Aralar,

Basoan arantza ta lahar.

Miruac cabia eguiteco

Bildu dittu mila adar.

Basaburuco celaiac,

Pago gerritan ardaiac:

Adaxcatic adaxcara dabiltz

Chori berritsu alaiac.

Ahezcoaco oihanac,

Herizti eder liraiñac.

Uso izuac iragan dira

Ceharcatuz mendigaiñac.

Erroncarico erroitzac,

Putre arren egoitzac:

Arroillac behera dihoaz urac

Iraganaren oroitzac.

Baztango haran ederra,

Maldan behera ur lasterra.

Iratzepean cantari dago

Arratsaldean eperra.

Saraitzuco maceletan,

Hego haice epeletan:

Illunbarrez pausatu dira

Usapalac ezpeletan.

Sacana eta Burunda

Hodei illunac culunca.

Gau ixilla colpatzen dute

Hontzec basoan huluca.