Atzen zazpi chiquitoac

Patxi Perurena

Zazpi harricoxcor ttattar dira

Gure euscal probintziac,

Bidasoaren alde bietan

Uholde zaharrak utziac.

Zazpi eguia caxcar dittugu

Filosofia bacarra:

Ignorantzia eta burruca

Haserrea ta lixcarra!

Zazpi sigla ta milla pancarta

Da politica guztia:

Gutxi eguin da, asco escatu;

Hura odolez bustia!

Zazpi balatzar buru muiñetan

Da cultura nagusia:

Pentsatzea ere ez da libre

Bai agoni itsusia!

Zazpi malco ta sei suspirio

Gure ahotsa munduan:

Beti negar eguiñez gabiltza

Ume galduen moduan!

Zazpi currinca zahar dittugu

Ideiaric hoberenac:

Berriric eciñ sortu da, eta

Eciñ hartu besterenac!

Zazpi ixtori miñgarri dira

Gure herri necatuac:

Menderic mende apaiz chinchoec

Eguindaco pecatuac!