L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 2 (1982-abuztua) —Hurrengo artikulua




 

 

Egiak

 

Zigor

 

Egiarekin egindako

espatak dute

gizona hil.

 

Egiak ditu legeak

egin, eta lege

gabeak urkatu.

 

Egiak egin du gosea

eta gizon lodiak.

 

Egiarekin zuritu dugu

haurraren esnea.

 

Egiak ezkondu ditu

ez zirenak maite.

 

Egiari besoa

moztu diotelako

nere ama negarrez.

 

Egiak eskuak beteta,

baserritarra joanda solora,

egiaren soloa,

egiantzat artoa.

 

Egiak eraman du

espainara soldado.

 

Egiak jotzen ditu

nere herriko kanpaiak.

 

Egiaz beteta dira

neska hutzaren sabelak.

 

Egiak dio

anai arrebaren

semea ez dela egia.

 

Egiak du

Aita Sandua egitu.

 

Egiak egin ditu

Euskal Herriko lanoak.

 

Egiak utzi ditu

gau gabe sorginak.

 

Atzo entzun nuen

haur bat jaio dela

eta, gezur izena duela.

 



Literatur Aldizkarien Gordailua Susa argitaletxearen egitasmoa da.