Uhartea

Jean Louis Davant

Hartarik urrun nago

Bainan onts'asma dirot

Ene ametsen mugan.

Izar bat, zar bi

Azkorriz itzali

odei baten farrangan.

Hego haize gorrian

Hegien lerro xuria,

Marfilezko dentela.

Maxelaren behera

Aihen morko ederra

Ta pin'oihan epela.

Larrain hersitik landa

Bi tontor zabalak

Eta okolu borobila.

Zola-zolako maldan

Baratze izkutua

Bi palmondo azkarren

Artean.

Ibarraren behera

Han itsaso bazterra.

Hau da ene uharte

Gordea.

Besteek sogiten diote

Bainan ez dute ikusten.

Ugartean dut aurkitzen

Esnea ta eztia,

Ardoa ta ogia,

oliba ta ozpina

Ere bai, ta gaztaina

Ta basa

Larrosa

Baten zaia ta gona

Gorri ezin erranak.

Korsega horren makira

Usu ihes egin niro

Ez banu zure beldurra,

Irriskuaren itsaso.