L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 4 (1983-abendua) —Hurrengo artikulua




 

 

Nahi duzu olerkia...

 

Maijan Minaberri

 

Nahi duzu olerkia

Izan dadin lisatia,

Ponduetan beti berdin

Moda zahar, mutzu urrin.

Irri dauzut, nik egiten.

Zerk zitu ba zu lotsatzen?

Nola negurt, olerkia,

Karkailaka zoriona

Bihotzean balinbada ?

Malurrean, zorigaitzez,

Bazirade egun batez,

Nola hauta dobladura

Bada hotza hitz zaharra?

Nola legunt nigar-hipez

Eta ere bihotz-minez

Ehoa den olerkia?

Ez da beti xoriñoa

Bide beraz hegaldatzen.

Lore bera du xurgatzen

Zure ustez jainkoiloak?

Kantu bera du moldatzen

Aldi guziz haize basak?

Bertsu berri, bertsu zahar,

Ez da segur zendako har

Gasailatzen. Utz gaztea

Segi dezan bere xendra.

Bertsu zahar, bertsu berri,

Bihotza du hak kantari.

 



Literatur Aldizkarien Gordailua Susa argitaletxearen egitasmoa da.