L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 7 (1984-abendua) —Hurrengo artikulua




 

 

Elgarri musukan

 

Auxtin Zamora

 

Oraintxet berean, zirimoletan,

sortu gira besta huntan,

iduzki deno dantzan,

ilargi deno irrinigaretan,

bakarrik, iluna urbiltzean,

lokartuko gira elgarri musukan.

 

Biziaren mainatak eta lakaioak gira,

subandaden ufatzaleak,

ingumeri gatz eta biperraren zerbitzaleak,

izarihintzeri «maite zaitut» xuxurlatzaleak,

 

suge mahatsen denbora,

zoin den laburra,

gure ametsen barneko inkaminak,

zoin diren hegalez beteak,

 

zurunbidetan, Mahuma xuriak,

erortzeko minarekin,

trebukatu dira,

eta, xekale landetan,

birbiratu, galetsien irudiak,

 

oraintxet berean, zirimoletan,

sortu gira, besta huntan,

iduzki deno dantzan,

ilargi deno irrinigaretan,

bakarrik, iluna urbiltzean,

lokartuko gira, elgarri musukan...

 



Literatur Aldizkarien Gordailua Susa argitaletxearen egitasmoa da.