L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Gotzone Sestorain

 

GOTZONE SESTORAIN ZABALETA

        Leitzan (Nafarroa) jaio zen 1965 urtean, irailaren hogeitabostean. O.H.O. bere herriko ikastetxean egin ondoren, Iruinara jo zuen batxilergoa egitera. Orain Donostiako EUTG-en Euskal filologia ikasten ari da eta aldi berean euskaltegi batetan lan egiten du irakasle bezala.

        Hamasei urte zituela hasi zen poesigintzan; 1983 urtean, Donostiako liburutegi munizipalak gazteentzako antolaturiko lehiaketan parte hartu zuen sari bat izabaziz.

 

 

Gotzone Sestorain

 

Egun batean zirenak

gaur zirbila dira.

Bai, izan ziren

bainan orain

abenduko horma txuria

beltza da.

Zozoak ere kantatu zuen

egun urratzea baino lehen

bainan gaur

ixiltasun erraldoia jabe da.

Eta arkaitz sendo hark

galdurik bere irmotasuna

dardaraz dauzka

bere gailur eta babesak;

haritzak bazuen

handitasunaren ereinotza,

gaur ostera,

egun triste eta hits honetan

gaitz gaizto batek jota

iherturik dago.

Egun batetan libre izan zinaten

zoritxarreko herio hondatzailea ordea

zaizue gaineratu.

Gizonaren hatzaparrak

bazter guztiak ditu ukitu

bera iragan leku orok

gaixo dira gelditu;

Ur gardenetako lats ozen hark

dariozkila

hain miresgarri ta lirain zena

orain hilzoriko eguzkia dugu.

 



Literatur Aldizkarien Gordailua Susa argitaletxearen egitasmoa da.