Gotzone Sestorain

Agian atzo, herenegun...

dagoeneko hamabi ilargi maltzur

borobilek

hamaika iseka urdin zerigula,

iraganak,

honez gero lur masail tipilan

zikio orekatuaren lau aroen aztarnak

ez ezik,

kristalezko eremu bailitz,

sutegi iragankorrak igorri

hainbat atomo suspertzailetan birrindunko

ezin konta ahalezko pritz goriez,

erakarmen magnetikoz haztaturik ere,

igerritzen da.

Urte bat, bizitza bat,

orduan,

gaur ez bezelako egun hartan,

zutaz,

nere bihotzan maitasun oldarkorrak

odol tanto bakoitza pirpil zeukan,

poliki pitzatzen joan den mendi sua

errauts bilakatu arteino.

Gaur, aldiz,

dena oroimen zait,

zorabiozko ilunabar honetan

itsas uhin kementsuen astintze gupidakaitzez

ezabaturiko amets apartsu ete idilikoak

bailiren.