L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Gotzone Sestorain

 

Inolaz, bai ezin esan

nahiz hain maite izan,

ene barruko hegazti basatia

inoiz ez, gatibotasunari atxekia.

Eguzkipean

urrezko erleen kontzertu agortezina,

haritz lerdenaren, egunez egun

nekez elikaturiko mezu oratua,

mendi gailur elurtsuen

izarniadura hozkildua

bezainbat,

ezinezko amets hori,

haur maite.

Edertasunaren maitale nauk

gardantxiloa bere kantuz lez

maitasunaz bainauk

maitemindurik.

 



Literatur Aldizkarien Gordailua Susa argitaletxearen egitasmoa da.