L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Gotzone Sestorain

 

Hire ezpain borobiletan ikusi nianean

heriotzaren hutsune hozkildua labaintzen

iges egin izan nahi nian

basapiztiak zibilizazioaren basatasunatik lez,

kolorererik gabeko laino itsuetan

gal nintekeean beldurrez

enara heriaren antzera

eutsi nahi bait nioan

fantasiaren hego etengabeari

hegoa hilezkorra bailitz;

biok genekiean ordea ezetz,

arnas mugatu honen ari bakoitza

banan, banan

askatzen ari gaituken neurrian

soinaren eta gogoaren itzal irmoak

emeki ezabatzen dihoazela,

laister, minutuz minutu laisterrago

ispilu misteriotsuaren islada liluragarriak

hondakin arrunt eta xehetan

birrindu arteino.

 



Literatur Aldizkarien Gordailua Susa argitaletxearen egitasmoa da.