L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Maite bati

 

Sappho

(-612-557)

 

euskaratzailea:

Itxaro Borda

 

Zure ondoan egon eta zuri begira dagokeenak

Jainkoek ezagutzen duten zoriona jastatzen du,

 

zure abotsaren eztia irets dezakeenak,

zure irriaren magia hunki dezakeenak,

baina nik badakit irri horrek bihotza

urratzen didala.

 

A! ba ahal dakizu ikusteri bazaitut

den segundurik laburrenaz ere

bat batean nire espainetan

bozkarioa hiltzen zaidala indarrik gabe?

 

Nire mihia hor dago hautsia bezala,

eta batera haragi barnera

su gorde bat urratzen zait.

Nire begiek ezer argi ez dakuste,

beharrietan zarata burrunban ari zait,

izerdiz itoa nago

gorputza ikaran dut

belarra baino orlegiago naiz

eta guti falta zait hila senditzeko.

 



Literatur Aldizkarien Gordailua Susa argitaletxearen egitasmoa da.