L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Begi gorria

 

Mayi Pelot

 

Bat, bi, xuri beltz

behi eta bele

bahean bihia ote?

Basolo bihi bai.

 

Baserri beltzean

basusak bilduz

ibiltzen nauzu

ni Begi Gorria

itsas bazterrean

bularrak enbatan

nabilena

 

Etxola beltzean

basagaitzak babestuz

bizi nauzu

ni Begi Gorria

 

Bat, bi, bilbe berdean

Behin'aren edo

Beti'ko

             bihiak

 

Hemengo begiek

biraua botatzen dautate

arratsetan txistuka

burdinaren oihartzun hotza

urpeko baia bizia

apo begi gorri

                       baitut laguna

 

 

bi ibai

belarraren bilbe berde hori

biribilka

basabiperrez ehaintzen ari

 

bizi bortitzari bai

ibai bi

erbiari bilo beltxarana

ebatsiz

bilbea biltzen ari

 

 

nere besoetako bilbean

bi ibai Berdea ta Beltza

betidanik

burrukan

behin batera bultzatzen ari

 

Nere bihotzeko bilbearen bitartez

betidanik

taupada bakotxean

bi ibai

            batu batu

 

                Zuen begietako bilbe beltzean

                zueri so nauzue ni

                Bi berinezko Ibaietako alaba

                ni Begi gorria.

 



Literatur Aldizkarien Gordailua Susa argitaletxearen egitasmoa da.