La citta cremata

Itxaro Borda

                        (zergatik ez xabier elorriagari...)

nola saldu zenuten maradona napoleskoei?

bartzako gorri-urdinak sailkapenean behera

doaz, eta baloia mediteraneoko urez hanturik

txoria bailitza, airean iheska dabil airean

nou campeko futbol zelaian luis llachek

partida arras zaila bi tantoz irabazi zuen

bakarrik pianoaren hasperenekin deiadarka

ehun mila personeri t'estimo ooo erranez

geroxeago bartzelonako barrio txinon lehen

tiroak entzun ziren, anarkistek hiria erre

zuten, oldar zaharren hildo madarikatuan

ribasek victoria hitza erein zuen kolorez

itsasoak aldiz baretasun eztiaz jendeen arpegi

lehortuak uholde ezin sinetsizkoan ferekatu

zituen, neskatxak negarrez hasi ziren negarrez

mutilek tarradellasen memoria blasfematzen zutela

xurxuriak haize epelak plega arazi zituen eta

luis llachek t'estimo abestu zuen haizeari,

ibaiari, mendiari, catalunyari t'estimo oooooo...

1985eko uztailan