Ezteguetan

Egieder

Mutil gaztea, zer egin dozu?

Neskatillagaz ezkondu.

Lengo bizitza pozik agurtu,

andra onagaz alkartu.

Biok batera kistar jokatu

Jaungoikoaren legean,

batak besteri zintzo lagundu

bizitz arazo danean.

Ezkon barriak, ez iñoz aztu

Jaunaren laguntasuna;

Beragaz zertxobait ba-gara gu,

Bera barik ezer eza.

Egun danetan biotza gora

laguntasunaren billa:

Aita on arek ez dau ukatu

bere laguntza ederra.

Gurasoak

Etxeko jauna, lenen alaba

igesi doa etxetik,

bera ona ta mutil bikaiña

zorion giltza izanik.

Bedeinka zazu zeure umea,

zorion utsa oparik;

kontura, baiña, Jaungoiko dala

danen jaubea sortzetik;

Aren menpean bait gagoz danok,

eskerrak egin gogotik.

Guraso kistar beargin onak

ume maitiak agurtzen,

Jaungoikoaren lege ziurrak

ait-amari seme kentzen.

Zuen semeok, gazte leialak,

beti izango sendien,

aurrerantzian pozez betiak,

juango dira ikusten,

maitasun zorra beti umeak

gurasoengan izaten.

Eleizan

Ikusi dozuz eleizan

aldara deunan aurrean

seme-alabak ezkontzan.

Gizon maitea, gazte zolia,

andra barria albuan,

ait-ama-bitxi ondoan,

adiskideak atzean

Eleiza barru erdian.

Au alaitasun indarra!

gorputz ta arima dana

garbi poztuten dituna.

Aldara gaiña loraz jantzirik,

argi ederrak dizdizka;

zeruko Ama begira

aldara goitik gugana,

esker zabaltzen txit ona.

Agur

Goizean argi ederrak

urratu lau illuna;

egun onetan alkartu

senar t'emaztea.

Oi andrea, oi gizona!

zuen poza ta atsegiña,

Jainko legea beterik

euko dozuena.

Bazkari eder gozo bat

izan da gaur emen,

zuen oroimen ederra

dabiltzaz ospatzen.

Bai semea, bai alaba,

jarrai beti goraipatzen,

alkarren urrengo,

aita eta ama maitatzen.