Jerusalem argitsua (1)

euskaratzailea: Etxeberria

Jerusalem argitsua,

bake egizko iduria;

Errege aundian tronua,

zorunezko Jauregia.

Zenbat Igarlek jasua

odetan Maitegarria!

   Arrilandu legun-legunez

ikusgarri amaituta,

arriargiz, urrez ta adamaz

danera apaindu-utza;

atiak brizt-brizt perlakaz,

ataiak urrez biztuta.

   Or, eten bako soiñua

aleluia kantatzen;

beti Jai-aundi alaitsua

festari ospatutzen;

dana garbi, dana osua

dozuna zuk agertzen.

    Iñoiz odiatu, egualdia

txartzen ta giro epela;

zuk beti Eguerdi, euzkia

geldi ba'litz bezela;

Gaurik ez, oro pozgarri,

nekatu bat ez dauela.

   Uda-barri loratsua,

urtia orla iraunik;

Udan, aukera gozua

zabaldu-nai danetik;

Uda-azken, goi-garbikua,

izotzen bildur barik.

   Txoritxuen kantutiko

jakun gozotasuna,

soiñu alkar-aitu-ongiko

otsen ezten eztiduna;

asko obe zuk, zure erriko

baztarretan dozuna.

   Zugan, gaztetako indarra

ez da gero gitxitzen;

Zarrik, t'Eriotz goiztarra,

ezta izango or frutu batzen;

Etorkizunik, Gaur-zarra

ez dala or igarotzen.

   Aragi aindugurakua

ez da izango or nausi;

soin barri txit gogozkua

Adimenak bere azpi;

gorputz ta zentzunen

sua Errazoian lagunki.

   Iturri bizi bat zugan

ondasun guztiena,

nun-nai guztia norberan,

jabe neu gauza danena,

naiz gorputzan aukeran

naiz begira adimena.

   Denboren beti-izatiak

beste orkuk iraungo dau.

Zorioneko irauntziak

einda gero aldatze au!

Aingeruak kide guriak

eta ziranak salbau.

   Ara zer zorioneko,

ni naizen giza argala,

neiñian izan soiñeko

arekin, ez-makala,

eder eta osasuneko,

zartzerik ez dodala!

(1) Kantu au, beste bere antzerako bigaz, zaldunen denboretako latinian XV'garren gizaldikuak ustez, dira atarata Karlsrhue'n dan eskuzko liburu zar batetik. Tomas Kempis'kuan aztarrena dakarrela, dirudi.

Londres'en; 1959'ngo Urrillian.