L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 I (1960-urtarrila/martxoa) —Hurrengo artikulua




 

 

Ariatza'ko kanpaia

 

J. Lopategi

 

Goizian goizik, egun sentiak

Ibarra margotutian,

Txirulia ta kukurrukuak

Alkarri erantzutian,

Ariatza'ko kanpaia zoli

Entzun oi da jardunian,

Oiartzun ona atara nairik

Ariatzarren barnian.

 

Egun erdiko eguzkipian,

Nekazaria urduri,

Izerdi truke amari billa

Soloaren merketari.

Ariatza'ko kanpai doiñuak

Zer dakar barrien barri?

Gorputzarentzat atsedena ta

Gogoari eragingarri.

 

Illunabarra... Betidaniko

Gau t'egunaren auzia;

Jabetu nairik dator illuna,

Bizi guraz doa argia.

Ariatza'ko langille danak

Ariatza'rantz bidia...

Kanpaiak dager guztientzako

Jaungoikoaren neurria.

 

Asarraldian jardun oi dozu

Gogorkiro trugolari,

Zamatutako burdi zar antzo

Damotsazu negarrari

Alai aldian ariatzarrak

Zeu zaitugu bertsolari:

Zaitez, Jaunaren aurrian, gure

Biozkaden abeslari.

 



Literatur Aldizkarien Gordailua Susa argitaletxearen egitasmoa da.