L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 IV (1960-urria/abendua) —Hurrengo artikulua




 

 

Eulia ta sagua

 

Arrugain

 

Basetxe zar bateko

Sukalde barruan,

Eulia pozik dabil

Arasa gaiñean,

Aurrean daukan jana

Garbitzen alaen.

 

Azpitik sagu batek

Dirautsa zotinka

—Arasa berne auxe

Illuna benetan!

Zerbait emongo neuke,

Euli, urtetarren

Illunpe onetatik,

Ta egaz, zeu legez,

Ibiltearren ortik

Jana billatuten.

 

—Urteizu ba kanpora,

Darantzutso eulik,

Neuk bezela bideok

Ba'dakizuz, mutil;

Baiña etxekandrea

Ba'yatorku izil,

Gure ondamendia

Lagun, ber-bertotik;

Zabiz arduran, beraz,

Kontuz-kontuz zabiz.

 

        ONDORENA

Ume, ulertu ondo

Ipuin onen gatza;

Etzaitez lar arrotu

Iñoren aurrean,

Urkoak eztaukona

Zuk daukozula-ta.

Iñoiz eldu leiteke

Norberen kaltean,

Ari falta yakona

Guk euki izatean.

 



Literatur Aldizkarien Gordailua Susa argitaletxearen egitasmoa da.