L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1961 I (1961- urtarrila/martxoa) —Hurrengo artikulua




 

 

Erregeak

 

Sardui'tar Deunoro

 

Lander jaio da Belen urian

    Gizadi-Gaizkatzaillea,

Betieraren barne-erraietik

    Zeru-lurraren Jaubea.

Abel-aska dau errege-aulki,

    Asto-idien arnasea;

Alatz ikusle: Miren, ber'ama,

    Ta Josep aita ordea.

 

Lander jaio da; baiña... otseiñak

    Turut-otsean jartean,

Ludia dardar-azteko soiñu

    Sortu da bake-ortzean.

Esnatu dira artzain lotiak

    Ta jarri Belen bidean,

Goiko argia otsein dabela

    Gidari danen aurrean.

 

Mundu osoa artega yaku;

    Eta orra sortaldean

Izpar alaia somatu ala,

    Mirari baten antzean,

Nun jarten diran iru errege

    Izar gidari menpean,

Bakoitzak daula bere bezuza

    Ta alkarturikan bidean.

 

Bakaldunaren ezaugarria

    Dakar Meltxor'ek urria;

Kaspar'ek Jainko-zantzu, kedatsa,

    Goitar emari joria;

Ta Baltasar'ek, aulkeri ikurtzat,

    Mirra auts ustelkor nasia.

Goi-Erregean oiñetan auzpez

    Or dago bakal-ludia.

 



Literatur Aldizkarien Gordailua Susa argitaletxearen egitasmoa da.