Ene gelako tik-tak!

Igartza'tar E.

Ago ixil, otoi,

ene ordulari;

unetxo bat ixil

ire tik-tak ori.

Kirkirrak bezela

beti kanta berdin,

ezpata ire tik-tak...

biotza nik zauri, min.

Etengabe oska,

denboraren morroi,

iltzen goazela

gogoratzen denoi.

Tik-tak maillu-otsak

gau batez esanda,

jakin, nola ik josten,

ai! nere il-kaja.

Ago bada, ago,

ene ordulari,

bestela laguntzat

dut laister illobi.

Anka-ots orren gain

denbora zijoak;

gelditzen ez? beintzat

bota motz pausoak.

Urteak iruten,

tik-tak gau ta egun,

ene biotz taupadak

lan orretan lagun.

Ezaun ez induten

gure aurrekoak,

egiz, bai zirala

zorionekoak!

Eguzkia zuten

egun ordulari,

gauez ontz-oiua....

oillar kikirriki.

Ene belarrian

tik-tak uneoro...

biotz taupadakin

iltzen ixilko.