Gorputzdun

Egieder

Gizona gorputzdun da,

gizona arimadun;

lur astun, gogo arin,

gizonaren lagun.

Gorputz aragizkoa,

basa baltza dogu;

betar zalea berez,

lurrez nai asetu.

Egi izanen, gaisoa,

lurra jaten dozu,

loren usain artzean

aize uts dirudizu.

Aleen gozotasuna

erdi eder, erdi

ustel; urdail barruan

odol basa irudi.

Zer oro lurra dira;

iñoz eder, laster

uts; aize putzez doaz

alarotan iltzer.

Bigarren giz-atala,

gogozko bizia,

jakituri ederrez dau

argi berezia.

Maite almen indarra

izatez daroa,

loretan ederren dan

bitxi oparoa.

Illezkor, bikain, sortzez,

gogo pin izanen;

giz atal nausienak

goi Jauna iruditzen.