Urretxindorraren agurra

Satarka

Agur, nere

        Neska kutun,

Etzaitez egon goibel, illun...

Etorko naiz berriz Udaran,

Kantatzera alai zure landan.

        Banua,

        Maiteder...

        Zugatik

        Biotza

Eri daukat... oiñazetan ler!

        Etorri da

        Udaraitzen,

Berak nola nauen ituntzen!...

Egunak dira txit laburtu,

Eta eguzkia indargetu!...

        Biotzak

        Daldara...

        Ezin dut

        Kantatu...

Nerekin daukat otzikara!

        Nik ez nuke

        Aldendu nai,

Ementxe bizitzen naiz alai.

Oi! sagasti, uri, zelaiak...

Baso, mendi, baserri, ibaiak!...

        Zuentzat

        Kantutan

        Alai ta

        Poz-pozik

Aritu naiz goiz ta gauetan!...

        Urrun joan

        Zaigu Udaste...

Biotz barruko gure maitei...

Agur, lore usai gozodunak,

Gure lagun polit, kutunak!...

        Banua

        Negarrez...

        Muxu bat

        Zueki

Gogo guztitik... maite miñez!

                 * * *

        Agur, nere

        Neska kutun,

Etzaitez egon goibel, illun...

Etorko naiz berriz Udaran,

Kantatzera alai zure landan.

        Banua

        Maiteder...

        Zugatik

        Biotza

Eri daukat... oiñazetan ler!

        Urretxindor

        Zorarazle,

Nik ainbat etzaitu iñork maite.

Jun zera... ni orain negarrez...

Zu gabe alaitasunik ez,

        Gautegun

        Alege!...

        Adio

        Maitale...

Beti zoriontsu izan zaite!

Irrikitzen itxoingo zaitut

Datorren Udaberri arte!